Berjavinir

  Athafnakonan Hrafnhildur Mjöll Geirsdóttir framleiðir sultu úr íslenskum berjum.

Fram hefur komið í fréttum að athafnakona á Reyðarfirði      

hefur hafið framleiðslu á sultu úr íslenskum berjum.

Berjavinir fagna þessum tíðindum og óska Hrafnhildi velfarnaðar. 

Eins og Berjavinir hafa bent á, eru berin vannýtt auðlind

en mikil verðmætasköpun getur falist í nýtingu berjanna.  

Vonandi getum við sett okkur í samband við Hrafnhildi

Þrátt fyrir óhemjugott berjaár hafa ekki allir átt þess kost að komast til berja á liðnu sumri. Berjavinum barst bréf frá Nönnu Gunnarsdóttur þar sem hún falast eftir krækiberjum. Í bréfinu segir hún farir sínar ekki sléttar.

"Sökum gífurlegra anna síðsumars komst ég ekki í nein krækiber, í fyrsta sinn í langan tíma. Mig sárvantar því smáræði af krækiberjum, því ég get ekki hugsað mér krækiberjahlaupslausan vetur. Er einhver tilbúinn að selja mér smá slatta af frosnum krækiberjum? Það er skelfileg tilhugsun að eiga engin ber í krækiberjahlaupið, einkum ef maður yrði nú svo heppinn að ná í rjúpu eða gæs. Vanalega tíni ég krækiber í kílóavís en í sumar komst ég bara einn dag í Húsafell og fékk bara bláber. Þau eru náttúrulega ljómandi góð, en gera ekki alveg sama gagn."

Ef einhver er aflögufær með krækiber þá vinsamlegast hafið samband við Nönnu í síma 8972801 eða sendið henni póst á Þetta netfang er varið fyrir ruslrafpósti, þú þarft að hafa Javascript virkt til að skoða það Það er auðvitað ekki nema sjálfsagt að koma fólki til hjálpar á ögurstund.

Júlíus Júlíusson frá Dalvík heldur úti skemmtilegri heimasíðu sem nefnist Matarsíða áhugamannsins.

Blessuð berin hafa ekki farið fram hjá áhugamanninum. Á síðunni gefur hann okkur uppskrift af rifsberjahlaupi sem hann gerði nýlega. Júlíusi þykir nauðsynlegt að eiga rifsberjahlaup í ísskápnum t.d. fyrir osta og kex og í sósur. Vert er einnig að benda á hvernig Júlíus hefur nýtt berin sem vaxa í hlíðunum umhverfis Dalvík. Haustblíða, ber og eldhúsdundur.

Rifsberjahlaup.

• 1 kg ber ) (Með stilkum og eitthvað af laufum)
• 1/2 l vatn
• Soðið og stappað í c.a. 15 mín
• Síað vel í gegnum taubleiu
• 1 lítir af berjasafa
• 1 kg sykur

Soðið í 25 mín. Veiða syrjuna ofan af og hella í krukkur. Í þessari uppskrift er ekki notaður hleypir, stilkar og lauf eiga að koma að sömu notum.

Myndirnar hér að neðan eru fengnar af Matarsíðu áhugamannsins og sýna nýtínd berin, berin í pottinum og að lokum er hlaupið komið í krukkurnar. Kærar þakkir Júlíus.

Berjatínslan er enn í fullum gangi en rétt er að huga að nýtingunni og hvernig best er að vinna úr uppskerunni. Hefðbundnar aðferðir við nýtingu berjanna eru í sjálfu sér ágætar, þ.e. 50% ber 50% sykur, allt soðið saman og sett í þar til gerð ílát.

Berjavinir hafa leitað til Sólveigar Eiríksdóttur (Sollu) mathönnuð og hefur hún góðfúslega gefið okkur góð ráð, og mun hún senda okkur efni og uppskriftir, til birtingar á síðunni. Eftirfarandi er fyrsta framlag Sólveigar

Bláber
Villtir ávextir í íslenskri náttúru
Á Íslandi eru berin okkar eiginlegu ávextir. Við getum ræktað hinar ýmsu berjategundir, s.s. jarðaber, rifsber, sólber og stikkilsber. Og svo vaxa hér villt hrútaber, krækiber og nokkrar tegundir af bláberjum ásamt ýmsum öðrum sem síður eru notuð til manneldis nú til dags.

Sveinn Rúnar Hauksson heimilislæknir og berjasérfræðingur er einn helsti álitsgjafi landsins um berjatínslu og berjahorfur. Jafnan er leitað til Sveins er fjölmiðlar þurfa upplýsingar og fréttir af berjasprettunni. Berjavinir.com er þar engin undantekning enda er Sveinn Rúnar einn af stuðningsmönnum síðunnar.

Nýlega birti Morgunblaðið berjafrétt þar sem viðtal var haft við Svein Rúnar. Smellið á nánar til að skoða viðtalið. Meðfylgjandi mynd var tekin af Sveini er hann var í einni af sínum mörgu könnunarferðum um landið til að kanna berjahorfur. Staðsetningin er Bjarnargil í Fljótum og myndin er tekin í lok júlí á þessu ári.